Página Inicial » GMPTL » Notícia

Workshop kona-ba hakbi'it Feto Eleita, Bali-Indonesia

 

Husi loron 27 – 28 Fevereiru 2014 NGO Caucus Feto iha Polítika, ho kolabarasaun hamutuk ho Kemitraan no suporta husi USAID, organiza workshop loron tolu kona-ba hakbiit kapasitasaun ba Feto Parlamentu iha nasaun Sudeste Áziatiku ho tema “Hariʼi Parseiru neʼebé Sustentabilidade atu Promove Reprezentasaun Feto iha Polítika iha Sudeste Áziatiku”.

 

Objetivu workshop loron 2 ne’e atu tulun partisipante sira atu aprende no fahe instrumentu pratika sira ne’ebé persiza ba aumenta lejislador feto sira nia kapasidade. Total partisipante hamutuk nain 29 husi nasaun 5 inklui Cambodia, Indonesia, Malaysia, Philipinas, no Timor-Leste. Fasilitador sira mak hanesan Sra. Sherrie Wolf, Utama Sandjaja no reprezentante husi National Democratic Institute (NDI) ho ninia parseiru sira husi nasaun 5 (lima) iha Sudueste Áziatiku (Southeast Asia) hanesan Persatuan Kesedaran Komuniti Selangor (EMPOWER) husi Malaysia, Women’s Caucus husi Timor-Leste, Cambodian Center for Human Rights (CCHR husi Cambodia), Center for Popular Empowerment husi Philippines, no Indonesian Women’s Coalition (Koalisi Perempuan Indonesia/KPI).

Topiku sira durante diskusaun iha workshop mak hanesan: Funsaun Parlamentu nian no sira nia objektivu no ninia uzu iha Sistema Eleitorál Demokrátiku, Kna’ar no Responsabilidade Parlamentar nian (aprezenta husi Deputada sira husi nasaun lima), Servisu nuʼudar Membru Parlamentar, Dezenvolve Diskursu Publiku no Abilidade ba Lobi no Advokasia, Sevisu ho Konstituente no ho Media. Durante workshop refere, partisipante sira aprende liu tan kona-ba funsaun parlamentu kada nasaun nian, pratika oinsa halo proposta ba orsamentu, pratika koalia iha públiku (intervensaun polítika), advokasia no lobi. Partisipante mos aprende liu tan kona-ba importansia oinsa Membru Parlamentar atinji ninia konstituente liu husi hasoru malu direkta ho konstituente hodi:

kria ligasaun entre feto no mane ho partidu polítiku no lejislador sira; no tulun mobiliza feto no mane nia partisipasaun iha asuntu públiku. Nuneʼe mos Membru Parlamentar hasoru malu ho konstituente atu: i) informa kona-ba progresu sira iha parlamentu; ii) konsulta ideias ruma neʼebé iha relasaun ho proposta lei no asuntu importante neʼebe koalia iha parlamentu nasionál; iii) involve feto no mane iha komunidade iha prosesu tomak nuneʼe sira bele sente katak sira mos nain ba prosesu hotu dezenvolvimentu nasaun nian. MP nuʼudar reprezentante povu presiza mos kolabora ho feto no mane hotu hodi rona mos sira nia lian liu-liu kona-ba sira nia ezijénsia sira nuneʼe, bele kanaliza asuntu relevante ba orgaun kompetente; no iv) hakbiit feto no mane sira nia koñesimentu iha komunidade ba informasaun relevante sira. Alende neʼe, partisipante sira aprende mos oinsa servisu ho media no marka audensia públiku hodi rona feto no mane sira nia lian no hanoin kona-ba proposta lei ruma.

Durante iha workshop refere, Membru Parlamentar no partisipante sira bele fahe no rona esperiensia liu husi fahe informasaun kona-ba funsaun lejislador nian iha kada nasaun no ninia obstakulu no oinsa rezolve obstakulu sira. Membru Parlamentar sira neʼebe partisipa apresia tebes workshop neʼe, basa sira bele aumenta tan sira nia abilidade kona-ba abordajen integradu jéneru iha kualkér papel no responsibilidade iha servisu komunikasaun parlamentu nian no oinsa formula mensajen neʼebé diak no efektivu hodi hasoru media no koalia iha públiku. MP balun nuʼudar foramadora iha partidu laran neʼebé partisipa iha eventu neʼe espresa katak sira sei hatutan koñesimentu neʼebe sira simu ba sira nia feto maluk sira seluk iha partidu laran hodi prepara sira ba eleisaun sira neʼebe sei mai.

MP sira neʼe mos hare katak atu iha komunikasaun neʼebé efektivu ho konstituente direkta no indirekta, sei presiza atu estabelese sentru ba informasaun parlamentar iha baze nuneʼe, konstituinte sira bele kanaliza sira nia asuntu ruma liu husi sentru refere. MP sira rekomenda liu-tan atu iha kontinuasaun workshop hanesan ba lider feto sira iha nivel hot-hotu.


Ligasaun Info Parlamentar Kontaktu

Rede Feto Timor-Leste

Rua : Formosa

UNFPA

Telefone: (+670) 3323884

UNWOMAN

Fax: (+670) 3323884

UNDP Timor-Leste

Blog Salurik

 

Blog Rede Feto