Relações Internacionais

Relações internacionais parlamentares


Tuir Constituição da República, Parlamento Nacional iha competência atu halo lei kona-ba questões básicas política rai-laran no política rai-li’ur país nian, iha competência atu fiscaliza atividade governativa, inclui kona-ba política externa, no iha mós competência atu aprova, ka la aceita, acordo sira no ratifica tratado no convenções internacional sira.


Maibé atividade internacional Parlamento Nacional nian la’ós de’it nia papel ne’ebé define iha constituição, tanba, tuir nia Regimento, Parlamento iha nia lian rasik iha cena internacional, no hola parte ativamente iha iniciativa oioin, liuliu buat sira-ne’ebé iha ligação direta ho Relações Interparlamentares (Relações Interparlamentares significa qualquer tipo troca no/ka contacto entre parlamento husi nação oioin, no mosu husi legitimidade rasik husi parlamento sira-ne’e, nu’udar assembleias legislativas no representativas Estado Soberano sira-nian).


Relações institucionais Parlamento nian ho instituições parlamentares husi nação seluseluk ka instituição seluseluk husi rai-li’ur sei hala'o liuhosi Presidente do Parlamento. Presidente mak representa internacionalmente Parlamento Nacional no nia mak chefia delegações ka deputações ne’ebé nia hola parte bá.


Atividade internacional hirak-ne’ebé Parlamento hala’o, liuhosi ninia Presidente, ninia Deputado sira no ninia serviço oioin, ho maneira autónoma husi poder executivo (maibé la ultrapassa ninia competência rasik no labele hasoru política externa nação nian), baibain ema hanaran “Diplomacia Parlamentar”.


Iha Parlamento Nacional nia laran, Diplomacia Parlamentar iha meio oioin ba atuação:

  • liuhosi ninia Presidente, considera liuliu ninia hahalok iha rai-li’ur liuhosi visita oficial sira ba estrangeiro ka participação iha reunião ka conferência ne’ebé estrutura internacional oioin organiza; integra iha delegações parlamentares ne’ebé bá hola parte iha sessão no/ka conferência sira husi Assembleias Parlamentares Internacionais (União Interparlamentar - UIP; Assembleia Parlamentar husi Comunidade País sira-ne’ebé usa Lian Português – AP-CPLP), ne’ebé Parlamento Timor-Leste nian nu’udar membro; no, iha nível interno, simu Presidente ka Deputado sira husi Parlamento seluseluk, membro Governo ka personalidade estrangeira sira-ne’ebé visita Timor-Leste;

  • liuhosi Comissão Parlamentar sira, ne’ebé hala’o papel essencial ida iha controlo parlamentar ba ação diplomática Governo nian (ba ida-ne’e usa audiência no inquérito), no mós reforça prática Diplomacia Parlamentar nian liuhosi missão oioin ba rai-li’ur;

  • liuhosi delegações permanentes ba Assembleia Parlamentar oioin ho participação husi delegação parlamentar sira iha conferências husi organizações parlamentares internacionais ne’ebé sira hola parte bá, ka iha ação seluseluk ne’ebé hala’o hodi organismo sira-ne'e nia naran, hanesan por exemplo missão observação ba eleição ka missão inquérito no informação nian;

  • liu hosi Grupos Parlamentares Amizade nian.
  • Links Info Parlamentar Contactos

    Governo de Timor-Leste

    Rua : Formosa

    CAVR Timor-Leste

    Fax: (+670) 3323884

    UNMIT Timor-Leste

    Telp: (+670) 3339869, 3339870

    UNDP Timor-Leste

    Email: relacoes.publicas@parlamento.tl

    Comunidade dos Paises de Lingua Portuguesa

              relacoespublicas.dirpec@gmail.com

    Inter-Parliamentary Union

     

    Portail pour le Développement Parlamentaire

    ASG-PLP

    AP-CPLP
    GOPAC
    AIPA

    © Parlamento Nacional 2017