Acesso ba Parlamento

Horas serbisu nian
Serviços Parlamento Nacional nian funciona husi segunda to’o sexta-feira, husi tuku 8:00 to’o 12:30 dadeer no husi tuku 02:00 to’o 05:30 lokraik.

 

Reunião Plenário no Comissão sira-nian
Reunião Plenário nian hala’o iha segunda no terça-feira no reunião Comissão sira-nian iha quarta no quinta-feira.

 

Visita ho matadalan
Escola, Associação, ONG sira no organização seluseluk bele husu visita ho matadalan, iha grupo. Atu halo visita hirak-ne’e precisa contacta Divisão de Relações Públicas, Comunicação e Educação Cívica.

 

Atu tama iha fatin Parlamento Nacional
Atu bele tama iha recinto Parlamento Nacional nian ema tem que bá to’o iha portão ka odamatan boot no fó documento identificação ida ba segurança sira atu rai. Segurança sira sei entrega cartão visitante ida ba nia.

 

Ema labele tama iha recinto Parlamento Nacional nian ho kilat.

Cartão visitante tem que tara ho maneira ne’ebé fácil atu haree.

 

Hahalok
Edifício Parlamento Nacional nian ne’e fatin ba ema atu serbisu. Iha ne’e mak hala’o reunião Plenário no Comissão sira-nian, além de reuniões no sessões trabalho no discussão seluseluk.

Bainhira hela iha recinto Parlamento Nacional nia laran ema nia hahalok tem que di’ak, ho cortesia no civismo. Tem que ko’alia ho ema hotu-hotu ho educação e respeito.

Labele tarutu ka halo lian maka’as, liuliu bainhira hakbesik ba fatin reunião sira.

 

Hatais
Ema tem que hatais ho maneira apropriada, ne’e katak, usa roupa ne’ebé di’ak no moos. Ami recomenda atu halo tuir critério senso comum nian. Labele usa roupa, ka buat ruma hakerek ka imagem iha roupa, ne’ebé bele considera katak ofende ka insulta ema, ka contra ética no moral comum.

 

Atu tama ba fatin Reunião Plenário nian
Reunião Plenária sira nakloke ba público. Ema bele tama ba Sala Plenário nian liu husi odamatan público nian. Iha Sala Plenário nian público tuur iha Galeria Público nian.

Público ne’ebé mai assiste tem que halo silêncio. Labele basa liman ka halo sinal ka tarutu hodi hatudu katak concorda ka la concorda. Labele tama iha área ne’ebé la’ós área público nian.

 

Fotografia sira husi Fatin Plenário nian.

Distribuição Deputado sira-nian iha Fatin Plenário nian.


Voltar ao topo

Links Info Parlamentar Contactos

Governo de Timor-Leste

Rua : Formosa

CAVR Timor-Leste

Fax: (+670) 3323884

UNMIT Timor-Leste

Telp: (+670) 3339869, 3339870

UNDP Timor-Leste

Email: relacoes.publicas@parlamento.tl

Comunidade dos Paises de Lingua Portuguesa

          relacoespublicas.dirpec@gmail.com

Inter-Parliamentary Union

 

Portail pour le Développement Parlamentaire

ASG-PLP

AP-CPLP
GOPAC
AIPA

© Parlamento Nacional 2017