Pagina Inicial»Noticia
Parlamento Nacional liu hussi reunião Plenária ordinária iha loron 26 fulan fevereiro tinan 2019, halo interpelação ho Governo liu hussi Ministério do Ensino Superior Ciência e Cultura, kona-ba polemica recrutamento estudante foun iha Universidade Nacional de Timor Lorosae.
Interpelação ne’e hahú ho leitura ba carta pedido de interpelação hussi Bancada FRETILIN no contínua kedas ho intervenção hussi Ministro do Ensino Superior Ciência e Cultura, Longuinhos dos Santos no Reitor UNTL, Francisco Miguel Martins, kona-ba mecanismo no regras recrutamento liuliu ba veterano no combatente sira-nia oan hodi acesso iha UNTL ne’e inclui posição Governo nian no UNTL rassik hodi soluciona polémica refere.
Regra recrutamento ne’ebé UNTL estabelece liu hussi regime especial, regime geral no regime oportunidade.
Liu hussi discussão naruk, Deputado sira sugere ba Governo no UNTL hodi soluciona polémica ne’e iha tempo badak no oinsá fó oportunidade ba veterano nia oan sira iha UNTL.
Sessão Plenária ne’e preside hussi Vice- Presidente do Parlamento Nacional, Maria Angelina Lopes Sarmento, acompanha hussi membro da Mesa sira no hetan presença hussi Ministro do Ensino Superior Ciência e Cultura, Longuinhos dos Santos, Secretário de Estado Assuntos Combatente e da Libertação Nacional, Gil da Costa Monteiro, no Reitor UNTL, Francisco Miguel Martins, ho nia equipa sira.
