Pagina Inicial»Noticia
Parlamento Nacional liu hussi reunião Plenária extraordinária, iha loron 14 fulan novembro tinan 2018, aprova ona Projeto de Lei n.o 2/V (1a) - Primeira Alteração à Lei n.o 13/2005, de 2 de setembro, Lei das Atividades Petrolíferas, ho 37 votos a favor, 22 contra no 0 abstenções.
Debate ba projeto de lei ne’e lao durante loron rua, hahú iha loron 13 too 14 fulan novembro tinan 2018, ho nia proponente sira mak hanessan: Deputado Duarte Nunes (CNRT), Deputado Cornélio da Conceição Gama ‘L7’ (PLP), Deputado António M. Nobre Amaral Tilman (KHUNTO), Deputado António da Conceição (PD), no Deputado Gilman F. dos Santos (UDT/FM).
Hafoin aprovação final global, comissão especializada sei halo redação final antes haruka ba Presidente do Parlamento Nacional hodi envia liu hussi decreto parlamentar ba Presidente da Republica.
Iha sessão Plenária ne’e mós, halo voto de pesar ba matebian saudoso André da Costa Belo «L4», ne’ebé mate iha loron 12 fulan novembro tinan 2018, ho 55 votos a favor, 0 contra no 0 abstenções.
Além de ne’e, hala’o mós votos de comemoração ba 100 anos do Armistício que pôs fim a Primeira Guerra Mundial, ho 55 votos a favor, 0 contra no 0 abstenções.
Reunião ne’e Plenária ne’e preside hussi Presidente do Parlamento Nacional, Arão Noé de Jesus da Costa Amaral acompanha hussi membro da Mesa sira.
