Iha 25 Novembro 2013, Relatório e Parecer husi Tribunal de Recurso kona-ba Conta Geral Estado nian ne’ebé corresponde ba tinan financeiro 2012 tama iha Parlamento Nacional. Iha loron hanesan, admite tiha Conta Geral Estado nian, Presidente do Parlamento Nacional manda haruka parecer ne’ebé temi ne’e ba Comissão de Finanças Públicas (Comissão C) ba sira atu aprecia no prepara sira-nia parecer.
Depois de hala'o audiência pública oioin, entre 11-13 Dezembro 2013, ne’ebé fó biban atu rona Sra. Ministra da Solidariedade Social, Sr. Ministro da Educação ho Magnífico Reitor da UNTL, Sr. Secretário de Estado da Comunicação Social ho Presidente do Conselho de Administração da RTTL, Sr. Ministro da Administração Estatal ne’ebé acompanha ho Senhor Secretário de Estado da Descentralização Administrativa, Sra. Ministra das Finanças ho responsável sira husi Secretariado dos Grandes Projetos, Comissão Nacional do Aprovisionamento ho Agência de Desenvolvimento Nacional, Comissão C elabora ninia Relatório e Parecer ne’ebé aprova iha 17 dezembro 2013, no debate respetivo agenda ba 7 janeiro 2014.
Conta Geral Estado nian hetan aprovação ho voto 49 a favor no abstenção 11.
