Prezidente Parlamentu Nasionál (PPN), Maria Fernanda Lay, akompaña husi nia vise-Prezidente, Alexandrino Afonso Nunes, Vise-Sekretaria Meza, Bendita Moniz Magno, Deputada Marquita Soare no equipa teknika sira simu pedidu audiensia husi delegasaun Asembleia Jepaun ne’ebe lidera husi Deputadu Hoshi Hokotu,M.D., PH.D ho nia equipa no mos husi Deputadu, Yara Suos ho nia equipa sira, iha ambitu Reuniaun Assembleia Jeral AIPA (ASEAN Inter-Parlamentar Assembly),iha loron 20 fulan outubru tinan 2024, iha sala reuniaun Sentru Konvensaun Nasional, Laos , Vientiane.
Reuniaun ne’e foka liu ba hametin lasu amijade Assembelia Jepaun no Cambodia ho Timor-Leste iha area Sosial, Ekonomia ho seluk tan inklui afirmasaub pozisaun apoiu husi nasaun rua ne’e relasiona ho adesaun Timor-Leste ba sai membru Efetivu ASEAN iha Futuru mai ho konvite ba Parlamentu Nasional Timor-Leste nian iha reuniaun Plenaria Inter-parlamentar konaba Toleransia no Paz ne-ebe mak sei realiza husi Kambodia iha tempu badak.
Prezidente lori Parlamentu Nasional nia naran hato’o agradese wain ba apoiu husi nasaun Jepaun no Cambodia nian desde iha tempo rejistensia to’o mai ohin loron lori resultadu positivu ba iha Timor-Leste iha setor hotu-hotu , tamba ne’e importante tebes ba Timor-Leste kontinua hetan apoiu husi Japaun no Cambodia iha dezenvolvimentu area hotu-hotu nune’e bele kompete iha nivel rejiaun ASEAN nian inklui apoiu Timor-Leste ba iha adesau ASEAN nian nudar membru efetivu iha Futuru mai.
Nuneé ho Reuniaun Assemblei Inter-Parlamentar ida ne’e bele lori positivu ba nasaun rejiaun Asean Pasifiku nian iha futuru. Hamutuk mak ita bele aprende no fahe malu esperensia hodi dezenvolve nasaun ne’ebe ho paz no prospero iha nivel nasional no rejiaun nian.
