Parlamentu Nasionál liu husi sesaun plenária ordinária iha loron 8 fulan outubru tinan 2024, realiza sasaun solene hodi fó homenagen ba Saudozu Augusto da Conceição Amaral “Laloir”, hanesan Ex-Deputado Assembleia Konstituinte nian, ne’ebe hakotu is iha loron 26 fulan setembru tinan 2024.
Sesaun solene ne’e hahú ho ezekusaun Hino Nasionál no kontinua ba minutu hakmatek ne’ebe prezide husi Vice-Prezidente Parlamentu Nasionál, Alexandrino Afonso Nunes.
Hafoin ida-ne’e, Prezidente halo abertura ba sesaun solene ne’e, no fo tempu ba Bankada Parlamentar sira hato’o deklarasaun bankada nian hodi manifesta sentidu kondolénsia no aprezenta memoria kontribuisaun saudozu nian ba luta libertasaun nasionál inklui iha prosesu dezenvolvimentu iha Timor-Leste.
Sesaun plenária ne’e prezide husi Prezidente Parlamentu Nasionál, Maria Fernanda Lay no akompaña husi Membru Meza no hetan prezensa husi Familia husi Matebian. FIM
