Prezidente Parlamentu Nasionál (PPN), Maria Fernanda Lay, akompaña husi Sekretariu-Jeral Parlamentu Nasionál, Edgar Sequeira Martins, Diretor sira no Asesor sira halo audiénsia ho ekipa United Nation for Development Programa (UNDP) iha Timor Leste, Reprezenta husi Xefe Konseleiru Tekniku, Bruno Lencastre, Espesialista area Digital, Sriganesh Lekanathan, Dezenhista Estratéjia Inovasaun, Mellyana Fredesika no seluk, iha loron 2 fulan outubru tinan 2024, iha Sala Konferénsia Parlamentu Nasionál nian.
Audiensia ne’e koalia liu konaba Kontinuidade kooperasaun entre Parlamentu Nasionál Timor-Leste ho UNDP, espesialmente iha programa dezenvolvimentu “Transformasaun Dijital” nian nune mos iha área sira hanesan Infrastrutura no Formasaun Rekursu Humanus nian bazeia ba nesesidade servisu instituisaun nian durante tinan 3 (tolu).
Prezidente Parlamentu Nasional, hatete katak, Parlamentu Nasional, konsiente katak Programa Transformasaun Dijital ne’e importante tebes tamba fasilita Deputadu no funsionariu inklui publiku sira bele asesu ba atividade no atus lejislativu sira ne’ebé maka Parlamentu produz, no bele assegura trasparénsia ba malu entre orgaun soberanu ida ne’e ho publiku sira, inklui fasilita iha komunikasaun ida ne’ebé fasil.
Alén de ne’e, Prezidente Parlamentu informa mos kona-ba oinsa insttiutisaun rua ne’e kria plataforma digitalizasaun ida ne’ebé ajuda Deputadu, funsionariu, inklui publiku sira bele asesu informsaun, nune’e mos, husu atu halo dezenvolvimentu iha área infrastrutura no rekursu humanu ne’e la’o ho paralelu para bele funsiona ho efetivu iha futuru. FIM
