Prokurador Jerál Repúblika, Alfonso Lopez, akompaña ho nia ekipa, aprezenta relatóriu servisu tinan 2023 nian ba Parlamentu Nasionál liu husi sesaun plenária ordinária iha loron 9 fulan jullu tinan 2024.
Durante aprezentasaun, Prokurador Jeral Republika sita kona-ba servisu tomak PJR nian durante tinan 2023, inklui kazu sira ne’ebe hetan ona prosesu no pendente sira.
Iha relatório ne’e mós koalia kona-ba desafiu ka dificuldade sira ne’ebe PJR enfrenta durante halao nia servisu ka mandatu tuir lei haruka.
Sesaun plenária ne’e mós bankada parlamentar sira kontinua aprezenta deklarasaun politika ne’ebe koalia kona-ba situasaun ekonomia, saúde no edukasaun ne’ebe kontinua iha polemika.
Deputadu sira sujere atu Governu liu husi ministériu relevante sira rezolve tuir lei no regra sira ne’ebe mak iha hodi la bele prezudika manorin nain sira.
Hafoin ida-ne’e Deputadu sira mós halo aprovasaun final global ba Projetu Lei numeru 6/VI(1ª) – Mandatu titular sira ka membru orgau sira ne’ebe designa husi Parlamentu Nasionál ho 31 votu a favor, 4 kontra no 6 abstensaun. No kontinua kedas ba aprovasaun Projetu Rezolusaun numeru 44/VI(1ª) – aprova regulamentu ba atribuisaun Premiu Liberdade Expresaun Max Stahl, ho unanimidade.
Sesaun plenária ne’e prezide husi Prezidente Parlamentu Nasionál, Maria Fernanda Lay, akompaña husi membro Meza sira. FIM
