Prezidente Parlamentu Nasionál, Maria Fernanda Lay, simu audiénsia husi Provedór ba Provedoria Diretus Umanus no Justisa (PDHJ), Virgílio da Silva Guterres, akompaña ho nia adjunto sira, iha loron 7 fulan juñu tinan 2024, iha sala konferensia.
Durante audiénsia, alem de diskute asuntu importante sira liga ba servisu PDHJ nian, Provedór PDHJ aproveita hodi entrega relatório anual PDHJ nian ba tinan 2023, ba Prezidente Parlamentu Nasionál, no sei aprezenta iha sesaun plenária tuir ajenda plenária tuir mai.
Prezidente Parlamentu Nasionál apresia ba serivsu PDHJ nian, no kontinua husu koordenasaun servisu ne’ebe diak entre instituisaun no orgaun estadu sira hodi servi diak liu tan povo no nasaun. FIM
