Prezidente Parlamentu Nasionál, Maria Fernanda Lay, akompaña husi II Vice-Prezidente no Grupu Parlamentar Amizade Timor-Leste ba Republika China, halo reuniaun ho Delegasaun husi China akompaña husi Embaixadora China nian iha Timor-Leste, iha loron 15 fulan maio tinan 2024. Iha Sala Plenária Parlamentu Nasionál.
Objetivu husi reuniaun ne’e koalia kona-ba kooperasaun entre Timor-Leste ho Repúblika China iha parte investimentu nian. Governu China konvida Parlamentu Nasionál liu husi Grupu Parlamentar Amizade, hodi hare dezenvolvimentu ne’ebé mak lao, no saída mak Governu China ho Governu Timor-Leste presija halo. Kooperasaun iha parte kafe timor, estabelese ona iha tinan 2022, husi China hakarak apoiu Timor-Leste oinsa atu dezenvolve kafe Timor. Além de ne’e, menciona mós kooperasaun iha área infraestruturas ne’ebé realiza ona mak hanesan konstrusaun ba Edifisiu Prezidensia Repúblika, Ministériu Negósius Estranjeirus no Ministériu Defeza. Prezidente Parlamentu Nasionál Manifesta Nia esperansa katak iha Futuru, Governu China bele apoiu iha Konstrui Edifisiu Parlamentu Nasionál nian.
Prezidente Parlamentu Nasionál agradese ba Delegasaun nia visita, no Parlamentu Nasional sei kontinua kontaktu ho Embaixada China hodi hare prosesu preparasaun ba Partisipasaun Parlamento Nasionál nian iha prosesu desenvolvimentu iha área investimentu no mos infraestruturas. FIM
