Parlamentu Nasionál, liu husi Komisaun G, ne’ebe trata Asuntu Edukasaun, Juventude, Kultura no Sidadania, realiza audiénsia ho Instituisaun Nasional Siénsia no Teknolojia (INCT) no Ajensia Nasionál Avaliasaun no Akreditasaun Akadémika (ANAAA), iha loron 15 fulan maiu tinan 2024, Iha Sala Komisaun nian.
Objetivu husi enkontru ne’e, rona no diskuti klean ho Instituisaun rua ne’e, kona-ba Proposta Lei n.º 5/VI (1º)-Lei Baze Ensinu Superior nian, hodi nune’e bele prepara relatóriu no pareser ba aprovasaun iha plenária.
Enkontru ne’e rasik preside husi Presidente Komisaun G Deputado Armando dos Santos Lopes, akompaña husi membru komisaun nian, ho presença husi representante husi ANAAA no INCT.
Alén de ne’e, Komisaun B, ne’ebé trata Assuntu Negosius Estranjeirus, Defeza no Seguransa Nasionál, halo diskusaun no votasaun iha espesialidade ba Projetu Lei Precedencias do Protocolo de Estado, iha Munisipiu Liquiçá.
Enkuantu, Komisaun Espesializada Permanente sira seluk, realiza atividade tuir agenda ne’ebé aprova ona. FIM
