Parlamentu Nasionál liu husi Komisaun F ne’ebe trata asuntu Saúde, Seguransa Sosiál no Igualdade Jeneru, ne’ebe lidera husi Prezidente Komisaun F, Deputada Maria Gorumali Barreto, termina ona diskusaun iha espesialidade ba Proposta Lei numeru 7/VI(1ª) – alterasaun datolukba Lei numeru 3/2006, loron 12 fulan abril, Estatutu Kombatente Libertasaun Nasionál, iha loron 8 too 10 fulan maiu tinan 2024, iha Munisipiu Liquiçá.
Diskusaun ba alterasaun lei refere konsentra makas ba artigu hirak ne’ebe Governu identifika no nesesariu hodi halo alterasaun hanesan; artigo1 º objetu ; alterasaun ba Lei numeru 3/2006; artigo2º alterasaun ba lei nº 3/2006, artigo3º norma revogatoriu, revogasaun ba dispozisaun hamutuk 3, artigo4º republikasaun lei 3/2006 republika iha aneksu ho alterasaun revogasaun no koresaun gramatika no legistika, artigo 5º Emtrada em-vigor iha loron seguinte husi republikasaun.
Durante diskusaun, Deputadu sira aprezenta mós proposta balun ne’ebe passa no balun la passa, no hamosu diskusaun ida klean liga ba preokupasaun veteranu sira durante ne’e inklui buka dalan ba rezolve falsifikasaun dokumentu no verifikasaun daduz veteranu nian.
FIM
