Parlamentu Nasionál, liu husi Komisaun D, ne’ebe trata Asuntu Ekonomia no Dezenvolvimentu, realiza audiénsia ho Konfederasaun Sindikatu Timor-Leste (KSTL) no Ekipa husi Organizasaun Internasionál Uniaun Council Asia Pacifico (ITUCAP), iha loron 08 fulan maiu tinan 2024, Iha sala Komisaun nian.
Objetivu husi enkontru ne’e, diskute Konvensaun OIT 190 kona-ba violensia no asediu iha mundu do traballhu nian.
Enkontru ne’e rasik preside husi Presidente Komisaun D, Deputado Ricardo Baptista, akompaña husi membru komisaun nian, ho presença husi representante husi KSTL no ITUCAP.
Alén de ne’e, Komisaun B, ne’ebé trata assuntu Negosius Estranjeirus, Defesa no Seguransa Nasionál, halo diskusaun iha espesialidade ba Projetu Lei Precedencias do Protocolo de Estado.
enkuantu, Komisaun Espesializada Permanente sira seluk, realiza atividade tuir agenda ne’ebé aprova ona. FIM
