Parlamentu Nasionál, liu husi sesaun plenária ordinaria, iha loron 07 fulan maiu tinan 2024, aprova iha generalidade Projetu Lei n.º 7/VI(1ª)-Precedências e Protocolo do Estado, ho votus 42 a favor, 0 kontra no 1 abstensaun.
Objetivu husi projetu lei ne’e, atu defini regime juridiku ida kona-ba Protokolu do Estadu , ne’ebé regula organizasaun serimónia oficial sira no-mos regula relasionamentu protocolar husi altas entidades públicas iha serimonia estadu nian.
Alén de ne’e, aprova mos projetu de resolusaun n.º 36/VI(1ª) kona ba Sistema Jestaun Elektronika ba Informasaun Parlamentar, ho votus 48 a favor, 0 kontra no 0 abstensaun.
Entretantu, iha período de antes da ordem do dia, Parlamentu Nasionál aprova votu de pesar ba falesimentu Ex-Deputadu Virgílio Maria Dias, ho 44 votos a favor, 0 kontra, 0 abstensaun; Distribuisaun ba relatóriu ba partisipasaun fórum mulheres parlamentares Assembleia Interparlamentar ASEAN ba tinan 2024, iha Viantiane-Laos; Distribuisaun ba relatóriu husi Komisaun finansas Públikas ba munisipiu Aileu no pareser kona-ba relatório anual husi EDTL ba tinan financeira 2023; Distribuisaun ba relatóriu husi Komisaun Edukasaun, Juventude, Kultura no Sidadania ba Munisipiu Ermera, Baucau no Viqueque.
Iha mos deklarasaun politika husi Bankada Parlamentar sira mak hanesan FRETILIN, koalia kona ba desigualdade salariu mínimo ba trabalhador sira no KHUNTO, koalia kona-ba eviksaun ba komunidade sira nebe hela iha área protegida tenki kria uluk kondisaun.
Iha intervensaun diversas, Deputadu sira kontinua aprezenta preokupasaun komunidade sira nian liuliu liga ba infraestrutura, saúde, edukasaun, ekonomia inklui situasaun kona-ba eviksaun iha Kapital Díli.
Sesaun plenária ne’e prezide husi Prezidente Parlamentu Nasionál, Maria Fernanda Lay, akompaña husi membro Meza sira no hetan prezensa husi Ministru Justisa ho Vise-Ministru Asuntu Parlamentar. FIM
