Parlamentu Nasionál, liu husi sesaun plenária ordinaria, iha loron 06 fulan maiu tinan 2024, aprova votu n.º 5/VI/1.ª - kongratulasaun ba loron mundial Língua Portuguesa, 5 fulan maiu, ho votus 59 a favor, 0 kontra no 0 abstensaun.
Loron ida ne’e ba Timor-Leste, ho nia signifikadu partikularmente espesial. Laos deit ba selebra lian português, maibe mos hanesan loron assinatura akordu 5 de maiu nian, loron historika ne’ebé determina realizasaun ba referendu ba independensia nasaun nian. Timor-Leste ho nia independénsia permite timoroan sira adota lian portugues hanesan lian ofisial.
Entretantu iha período da ordem do dia, Mesa anunsiu admisaun no baixa ba Komisaun D, ne’ebé trata asuntus Ekonomia no Dezenvolvimenetu proposta Lei n.º 8/VI(1ª)- kodigu ba Propriedade industrial; no ba Komisaun E, ne’ebé trata asuntu Infraestruturas Proposta Lei n.º 9/VI(1ª)-Medidas de Tutela ba Legalidade Urbanística.
Sesaun plenária ne’e prezide husi Prezidente Parlamentu Nasionál, Maria Fernanda Lay, akompaña husi membro Meza sira no hetan prezensa husi Ministru Justisa ho Vise-Ministru Asuntu Parlamentar. FIM
