Prezidente Parlamentu Nasionál, Maria Fernanda Lay, akompaña husi membru Meza sira, Prezidente Komisaun G ho nia membru sira, Prezidente Komisaun A, no Deputadu sira Bankada FRETILIN, simu audiénsia husi reprezentante profesór sira kontratadu, iha loron 26 fulan abril tinan 2024, iha sala konferensia Parlamentu Nasionál.
Durante audiénsia, reprezentante profesór sira aprezenta preokupasaun liga ba estatutu ne’ebe sira enfrenta oinsá bele tama iha profesór permanente.
Mezmu iha preokupasaun barak maibé reprezentante sira ne’e kontinua fó konfiansa ba Governu no Parlamentu hodi buka solusaun, nune’e la bele sakrifika estudante sira.
Prezidente Parlamentu Nasionál enkoraja profesór sira atu kontinua kontribui ba solusaun sira ne’ebe Governu foti.
Governu liu husi Ministériu Edukasaun kontinua esforsu hodi rezolve preokupasaun profesór sira kontratadu liu rihun ida tuir nia prosedimentu atu garante duni kontinuidade no kualidade edukasaun iha Timor-Leste. FIM
