Prezidente Parlamentu Nasionál, Maria Fernanda Lay, halo reuniaun ho Prezidente Republika, Dr. Jose Ramos Horta, iha Palásiu Presidénsial Aitarak-laran, iha loron 17 fulan abril tinan 2024.
Iha reuniaun ne’e Prezidente Parlamentu informa kona-ba servisu no funsionamentu Parlamentu Nacional nian to ohin loron, hanesan, alterasaun ba Lei Komisaun Anti-Korrupsaun (KAK) hodi fo segimentu ba prosesu hili Komisáriu KAK, tamba konsensu lahetan entaun tenki iha inisiativa hodi halo alterasaun ba Lei refere.
Alterasaun Lei KAK ne’e la-hasai ou altera kompeténsia KAK nian, iha Artigo rua deit mak hetan alterasaun, liga ho korum deliberativu iha Plenario. Propoen alterasaun no eleisaun ba Komisariu KAK bele realiza ho maioria simples husi Deputadus iha efetividade funsaun, ou ho Deputado tolu nulu resin tolu.
Além de ne’e, koalia mos kona-ba ho presesu no diagnostiku ba rekrutamento juis sira nebe’e oras ne’e lao hela, kontinua hein nia prosesu konklusaun nian. FIM
