Parlamentu Nasionál liu husi Komisaun Permanente Espesializada Permanente sira, iha loron 11 fulan abril tinan 2024 hala’o sira nia atividade tuir ajenda ne’ebe aprovadu hanesan; Komisaun A ne’ebe trata asuntu Konstitusional no Justisa halo apresiasaun ba textu espesialidade ba Projetu Lei Nu 03/VI (1ª)-Rejime Juridiku Ezersisiu Diretu Petisaun nian; aprovasaun kalendariu audiénsia kona-ba Projetu Lei Nu.05/VI (1ª)- Estatutu Funsionáriu nian; apresiasaun keisa husi petisaun ne’ebe mak submete ba komisaun no apresiasaun pedidu urjensia ba alterasaun dahuluk Lei Nu. 8/2009 fulan jullu kona-ba Komisaun Anti Korupsaun .
Komisaun C ne’ebe trata asuntu Finansas Publikas, halo apresiasaun no aprovasaun ba ata sira husi reuniaun anterior.
Komisaun D ne’ebe trata asuntu Ekonomia no Dezenvolvimentu halo apresiasaun no aprovasaun ba ata reuniaun anterior, aprovasaun relatório atividade komisaun trimestre dahuluk, estabelese kalendariu fiskalizasaun ba Munisipiu Ermera no apresiasaun pedidu audiénsia husi entidade relevante sira.
Komisaun E ne’ebe trata asuntu Infraestrutura halo audiénsia públika ho Plataforma Nasionál Bee no Saneamentu ho Hijene Timor-Leste no halo apresiasaun no aprovasaun ba relatóriu vizita fiskalizasaun komisaun nian ba munisipiu Ermera.
Komisaun F ne’ebe trata asuntu Saúde, Seguransa Sosiál no Igualdade Jeneru halo audiénsia ho Uniaun Nasionál Eskuteiru, Asosiasaun Difisiensia Timor-Leste, no halo diskusaun no aprovasaun ba relatóriu Konferénsia Komisaun nian iha Munisipiu Baucau.
Entretantu Komisaun B ne’ebe trata asuntu Negosiu Estranjeiru, Defeza no Seguransa no Komisaun G ne’ebe trata asuntu Edukasaun, Juventude, Kultura no Sidadania la iha ajenda reuniaun. FIM
