Parlamentu Nasionál, liu husi reuniaun plenária iha loron 26 fulan marsu tinan 2024, halo ona diskusaun no votasaun iha jeneralidade ba Projetu Lei No. 3/VI (1a) - Kona-ba Ezersisiu Juridiku ba Direitu Petisaun nian, ho 48 votos a favor, 0 kontra no 0 abstensaun.
Iha diskusaun ba projetu lei refere, Deputadu sira konsidera importante tebes hamosu lei refere atu fasilita diak liutan sidadaun sira, entidade ka grupu sira bele aprezenta petisaun liga ba asuntu nasionál, nesesidade komum no seluktan.
Sesaun plenaria ne’e mós, Meza baixa ba Komisaun B, Projetu Lei no.7/VI(1ª) – Kona-ba Prosedénsia no Protokolu Estadu nian, hadi halo apresiasaun inisial.
Sorin seluk, Bankada Parlamentar FRETILIN, aprezenta deklarasaun politika ne’ebe ko’alia kona-ba preokupasaun professor sira nian ne’ebe seidauk rezolve hodi afeta ba efisiénsia no efetividade ensinu aprendizajen iha eskola sira. Etrentau Bankada Parlamentar KHUNTO aprezenta deklarasaun politika ne’ebe ko’alia kona-ba fornesimentu mina ba sentral eletrika Hera no Betano.
Iha intervensaun diversa Deputadu sira nian, kontinua preokupa kona-ba problema edukasaun nian liuliu professor sira, infrestrtura, seguransa iha kapital Díli no asuntu importante sira seluk.
Sesaun plenaria ne’e prezide husi Prezidente Parlamentu Nasionál em Ezersisiu, Maria Terezinha Viegas no akompaña hosi membru Meza sira. FIM
