Parlamentu Nasionál, liu husi Komisaun E ne’ebe trata asuntu Infreastrutura, iha loron 21 fulan marsu tinan 2024, iha parte dader halo audiénsia ho Ministru Obras Públikas, Samuel Marçal ho nia ekipa, inklui Sekretariu Estadu Eletrisidade, Água no Saneamentu, Prezidente BTL, Prezidente EDTL, no Prezidente IGEADI, iha parte lokraik, kontinua realiza audiénsia ho Ministru Planeamentu no Investimentu Estratéjiku, Diretor Ezekutivu ADN.IP, Diretor Ezekutivu Sekretariadu Grande Projetu, Diretor Ezekutivu FDCH no CNA hodi koalia kona ba ezekusaun orsamentu trimestral da-ikus husi Orsamentu Jeral Estadu (OJE) tinan 2023 nian, no mos liga ba asuntu infrastrutura iha ministériu sira relevante. Audíesia ne’e rasik lidera husi Prezidente Komisaun, Deputadu Marcos Xavier no akompaña husi membru Komisaun G sira.
Nune’e mos iha Komisaun G, ne’ebe trata asuntu Edukasaun, Juventude, Kultura no Sidadania, ne’ebe lidera husi Prezidente Komisaun, Armando dos Santos Lopes no akompaña husi Membru Komisaun G sira halo audiénsia públika ho Ministeriu Ensinu Superior, Ministeriu Edukasaun no SEKOMS (Sekretaridu Estadu Komunikasaun Sosial) hodi koalia konaba asuntu hanesan.
Enkuantu Komisaun Espesializada sira seluk realiza atividade tuir agenda ne’ebé aprova ona.
Iha loron 22 fulan marsu tinan 2024, Komisaun E ne’ebe trata asuntu Infreastrutura, kontinua realiza reuniaun extraordinária ho halao aidiénsia públika, ho Ministru Transportes no Komunikasaun, Presidente ANC, Presidente ACCTL, Presidente ANATL, Diretor Exekutivu TIC no Presidente APORTIL-IP, koalia kona ba ezekusaun orsamentu trimestral da-ikus husi Orsamentu Jeral Estadu (OJE) tinan 2023 nian. FIM
