Parlamentu Nasionál liu husi Komisaun G, ne’ebé trata asuntu Edukasaun, Juventude, Kultura no Sidadania, halo audiénsia públika ho Institutu Nasionál Siénsia no Teknolojia (INCT) no Ajénsia Nasionál ba Avalaisaun no Akreditasaun Akadémika (ANAAA), iha loron 20 fulan marsu tinan 2024, iha Sala Komisaun G nian.
Audiénsia ne’ebe lidera husi Prezidente Komisaun G, Deputadu Armando dos Santos Lopes, akompaña husi membru Deputadu Komisaun ne nian, koalia kona-ba relatóriu exekusaun orsamentu ba 4º Trimestre tinan 2023 nian.
Além de ne’e, Komisaun B ne’ebé trata asuntu Negosiu Estranjeiru, Defesa no Segurança Nasionál realiza visita fiskalizasaun ba munisipiu Lautém no Komisaun F, ne’ebé trata asuntu Saúde, Seguransa Sosial no Igualdade Jéneru, realiza visita fiskalizasaun ba munisipiu Manatuto; Nune’e mós komisaun sira seluk, halao atividade tuir ajenda ne’ebé aprova ona. FIM
