Komisaun D Parlamentu Nasionál ne’ebé trata Asuntu Ekonomia no Dezenvolvimentu, realiza audiésia ho Ministru Agrikultura, Pekuaria, Peskas no Floresta, Marcos da Cruz, ho nia equipa, iha loron 07 fulan marsu tinan 2024, iha Sala Komisaun D nian.
Audiénsia ne’ebe lidera husi Prezidente Komisaun D, Deputadu Ricardo Baptista, ne’e hahú ho aprezentasaun husi Ministru Agrikultura, Pekuaria, Peskas no Floresta kona-ba Proposta Lei balun ne’ebé mak sei produz husi Ministériu refere iha tinan ida ne’e, nune komisaun D bele halo ajustamentu ba kalendáriu atividade Komisaun nian iha tinan ida ne’e.
Alén de ne’e, Komisaun A ne’ebé trata Asuntu Konsitusionais no Justisa, halo audiénsia ho Sekretáriu Estadu ba Asuntu Toponímia ba Organizasaun Urbana, Germano Santa Brites Dias, ho nia equipa, koalia kona-ba polítika ba alargamentu Sidade Díli.
Entretantu, Komisaun Espesializada sira seluk, realiza atividade tuir agenda ne’ebé aprova ona, hanesan halo apresisaun ba relatório atividade fiskalizasaun, no seluk tan. FIM.
