Funsionariu sira Parlamentu Nasional nian tuir formasaun iha Asembleia Republika Portugal durante semana rua, hahu iha loron 4 fulan marsu too 16 fulan marsu tinan 2024.
Funsionariu sira ne’ebe tuir formasaun ne’e hamutuk ema nain ualu (8) mai husi unidade organikas mak hanesan, Gabinete Estudu Estratejiku no Asesoria Parlamentar, Diresaun Apoiu Parlamentar no Diresaun Komunikasaun. Formasaun ne’e abraje asaun oi-oin mak hanesan: asaun 1, kona-ba enkuadramentu juridiku ba direitu petisaun ba defeza direitu sidadaun sira nian; asaun 8 kona-ba melhoria komunikasaun institucional; asaun 10 kona-ba apoiu kriasaun ba programa transparénsia no kombate korupsaun no asaun 20 kona-ba asaun parlamentar dezenvolvimentu sustentavel.
Formasaun ne’e realiza bazeia ba programa kooperasaun entre Asembleia Republika Portugal ho Parlamentu Nasionál Timor-Leste no bazeia mos ba planu estratejiku Parlamentu Nasional nian 2023-2027, liuliu kapasitasaun no dezenvolvimentu rekursu umanu nian.
Abertura ba atividade formasaun ne’e, Sekretariu-Jeral Adjuntu Asembleia Repúblika Portugal, Rui Costa, iha nia palavras boas vindas, hatete asaun formasaun refere importante ba Parlamentu rua oinsa kontinua dezenvolve no kapasita rekursu umanu nune’e bele presta apoiu tekniku diak liutan.
Asaun formasaun ne’e fahe ba parte rua, parte dader funsionáriu sira partisipa iha kursu lian portugués nian, no parte lokraik formasaun tuir asaun ne’ebe determina ona. FIM
