Pagina Inicial»Noticia
Komisaun D iha Parlamentu Nasionál ne’ebe trata asuntu Ekonomia no Dezenvolvimentu halo audiénsia ho Vise-Primeiru Ministru, Ministru Koordenador ba Asuntu Sosiais no Ministru Dezenvolvimentu Rural no Habitasaun Komunitaria, Mariano Asanami Sabino, ho nia ekipa, iha loron 21 fulan fevereiru tinan 2024, iha sala konferensia.
Audiénsia ne’ebe lideradu husi Prezidente Komisaun D, Deputadu Ricardo Baptista, ne’e hahú ho aprezentasaun husi Vise-Primeiru Ministru kona-ba planu urbanizasaun liga ba orsamentasaun ne’ebe Governu hakarak implementa iha tinan hirak mai.
Deputadu sira Komisaun D apresia ho planu refere, no sujere atu planu refere presija iha koordenasaun no kooperasaun servisu entre ministeriu sira.
Entretantu komisaun sira seluk hala’o atividade tuir ajenda ne’ebe aprovadu hanesan apresiasaun relatoriu atividade fiskalizasaun no seluktan. FIM
