Pagina Inicial»Noticia
Parlamentu Nasionál liu husi sesaun plenária iha loron 30 fulan janeiru tinan 2024, aprova ona Projetu Rezolusaun númeru 26/VI/1ª - «Fixa valor máximu ba remunerasaun mensal ilíquida ba tékniku sira apoiu Deputadu sira VI Lejizlatura», ho votus 58 a favor, 0 kontra no 0 abstensaun.
Entretantu ba Projetu Rezolusaun númeru 27/VI/1ª – Alterasaun ba Rezolusaun númeru 16/2023, loron 24 fulan maiu, ne’ebé aprova Rejime Subsídiu ba Deputadu sira, ho votus 57 a favor, 0 kontra no 0 abstensaun.
Iha período de antes da ordem do dia nian, Bankada parlamentar FRETILIN ho CNRT aprezenta deklarasaun polítika ne’ebé; Bankada FRETILIN ko’alia kona-ba polítika desentralizasaun administrativa ho poder lokál no Bankada CNRT ko’alia kona-ba esforsu no solusaun sira IX Governo nian iha área saúde no edukasaun ne’ebé durante ne’e hamosu polémika iha públiku.
Sorin seluk, iha intervensaun diversa nian, Deputadu sira aprezenta preokupasaun kona-ba lixo iha Kapitál Díli, sustentabilidade setor agrikultura, infraestrutura no seluk tan hodi fasilita no lori dezenvolvimentu ba povu.
Sesaun plenária ne’e prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan prezensa husi Vise-Ministru ba Asuntu Parlamentar, Adérito Hugo da Costa. FIM
