Pagina Inicial»Noticia
Parlamentu Nasionál liu husi sesaun plenária ordinária iha loron 22 fulan janeiru tinan 2024, iha periodo ordem do dia nian Meza halo anunsiu abertura ba prazu atu aprezenta kandidatura efetivu no suplente husi Parlamentu Nasionál ba Membru Konsellu Fiskalizasaun ba Sistema Nasional Intelejensia nian (KFSNI).
Iha periodo da antes ordem do dia, Bankada FRETILIN aprezenta deklarasaun politika kona-ba kondisaun no atendimentu saude inklui menuz ai-moruk iha hospital no klinika sira. Bankada KHUNTO mós aprezenta deklarasaun politika ne’ebe ko’alia kona-ba politika desentralizasaun administrativa, justisa liga ba realidade ne’ebe akontese iha administrasaun publika.
Entretantu iha intervensaun diversa nian, Deputadu sira hatoo preokupasaun hirak ne’ebe povu enfrenta hanesan iha area saude, edukasaun ne’ebe oras ne’e daudauk hamosu polemika no preokupasaun iha publiku hodi bele buka solusaun.
Alem de ne’e preokupa mós kona-ba kondisaun infraestrutura, agrikultura no area seluktan ne’ebe bele apoia ekonomia povu nian presija hadia no rezolve.
Sesaun plenaria ne’e prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan prezensa husi Vise-Ministru ba Asuntu Parlamentar, Aderito Hugo da Costa. FIM
