Pagina Inicial»Noticia
Parlamentu Nasionál liu husi sesaun plenaria iha loron 19 fulan dezembru tinan 2023, kontinua halo diskusaun no aprovasaun ba Proposta Orsamentu Jerál Estadu 2024 nian.
Iha diskusaun loron dahaat ne’e, Deputadu sira mós diskute no aprova proposta alterasaun balun husi ministeriu no instituisaun sira maibé la afeta ba tetu ne’ebe mak iha.
Hafoin aprova tiha orsamentu ba ministériu no instituisaun relevante sira, Meza suspende sesaun debate refere no kontinua iha loron 20 fulan dezembru tinan 2023, hodi halo aprovasaun final global ba Proposta OJE 2024 ne’e.
Sesaun plenária ne’e prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan prezensa husi Primeiru-Ministru Interinu, Mariano Assanami Sabino, ho nia membru governu sira seluk. FIM
