Pagina Inicial»Noticia
Parlamentu Nasional, liu husi sesaun plenária iha loron 15 fulan dezembru tinan 2024, kontinua halo debate ba Proposta Orsamentu Jeral Estadu (OJE) ba tinan 2024 nian iha espesialidade.
Debate ba loron daruak ne’e, hahu halo leitura kontinuasaun ba iha orsamentu husi ministériu relevante sira hanesan, Ministeriu Finansas; Dotasaun Jeral Estadu nian; Miniteriu Negosiu Estranjeiru no Kooperasaun; Miniteriu Justisa; Ministeriu Administrasaun Estatal; Ministeriu Saude; Ministeriu Edukasaun; Ministeriu Ensinu Superior Siensia no Kultura; Ministeriu ba Asuntu Kombatetente Libertasaun Nasionál; Ministeriu Obras Publikas; Ministeriu Transporte no Komunikasaun; Ministeriu Turizmu no Ambiente; Ministeriu Komersia no Industria; Ministeriu Dezenvolvimentu Rural no Abitasaun Komunitaria; Ministeriu Agrikultura, Pekuaria, Peska no Floresta; Ministeriu Defesa; FALINTIL-Forsa Defeza Timor-Leste; Ministeriu Petroleu no Rekursu Minarai; Ministeriu Interior no Polisia Nasionál Timor-Leste
Husi ministeriu hirak ne’ebe aprovadu ona nia orsamentu, Deputadu sira mós diskute no aprova proposta alterasaun balun maibé la afeta ba tetu ne’ebe Governu aprezenta.
Ho aprovasaun hirak ne’e, diskusaun no aprovasaun sei kontinua fila fali iha loron 18 fulan dezembru tinan 2023, hodi diskute no aprova ba orsamentu husi ministeriu hirak ne’ebe seidauk hetan aprovasaun.
Reuniun plenaria ne’e prezide husi Prezidente Parlamentu Nasionál, Maria Fernanda Lay, akompaña husi membru Meza sira no hetan prezensa husi , Primeiru-Ministru interinu, Mariano Assanami Sabino, akompaña husi membru Governu sira. FIM
