Pagina Inicial»Noticia
Parlamentu Nasionál iha loron 14 fulan dezembru tinan 2023, hahú ona halo diskusaun ba Proposta Orsamentu Jerál Estadu tinan 2024 nian, iha espesialidade.
Diskusaun ne’ebe lidera husi Prezidente Parlamentu Nasionál, Maria Fernanda Lay, ho prezensa husi Primeiru-Ministru Interinu, Mariano Assanami Sabino ne’e hahú diskute artigu dahuluk no orsamentu ba orgaun soberania sira.
Durante diskusaun sira ne’e, Deputadu sira mós aprezenta proposta alterasaun sira liga ba orsamentu orgaun soberania sira hanesan Prezidensia Republika, Parlamentu Nasionál inklui ministeriu balun, ne’ebe balun aprova no balun la aprova.
Diskusaun espesialidade ne’e sei kontinua iha loron 15 fulan dezembru tinan 2023, hodi diskute ba orsamentu ministeriu sira ne’ebe seidauk hetan aprovasaun. FIM
