Pagina Inicial»Noticia
Parlamentu Nasionál liu husi Komisaun Espesializada Permanente sira, iha loron 1 fulan dezembro tinan 2023, tama ba loron daruak audiénsia públika ho Governo kona-ba Orsamentu Jerál Estadu ba tinan 2024, iha Parlamentu Nasionál
Audiénsia ba loron daruak ne’e mak hanesan; Komisaun A ne’ebé trata asuntu Konsititusionais no Justisa, Komisaun C ne’ebe trata asuntu Finansas Públikas, Komisaun D ne’ebe trata asuntu Ekonomia ho Dezenvolvimentu no Komisaun G ne’ebe trata asuntu Edukasaun, Juventude, Kultura no Sidadania halo audiénsia hamutuk ho Ministru Administrasaun Estatal akompaña husi Adminitrador Munisipiu sira no kontinua ho Ministra Solidariedade Sosial no Inkluzaun, akompaña husi Institutu Nasionál ba Seguransa Sosial (INSS).
Komisaun E ne’ebe trata asuntu Infraestrutura halo audiénsia ho Ministeriu Transporte no Telekomunikasaun, TIC Timor, APORTIL,I.P, ACCTL,I.P, ANATL,E.P, no ANC,I.P.
Entertantu, Komisaun F ne’ebe trata asuntu Saude, Seguransa Sosiál no Igualdade Jeneru halo audiénsia ho Ministeriu Saude, Institutu Nasionál Saude Publika, Institutu Nasionál Farmasia no Produtu Aimoruk, Hospital Nasionál Guido Valadares, Servisu Nasionál Ambulansia no Emerjensia Mediku.
Hafoin ida-ne’e, Komisaun A kontinua nafatin audiénsia ho Ministru Administrasaun Estatal akompaña husi Administrador Minisipiu sira, Sentru Akollamentu Multifunsaun, Sekretariu Tekniku Administrasaun Eleitoral, Arkivu Nasionál Timor-Leste, Institutu Nasionál ba Administrasaun Publika, Fundu Espesial Dezenvolvimentu Atauru ho Minstru Justisa ne’ebe akompaña husi Sekretáriu Estadu Rai no Propriadade, Sentru Formasaun Juridika no Judisiaria, Komisaun ba Rai no Propriadade, Polisia Sientifika no Investigasaun Kriminal, Defensoria Publika, no Komisaun ba Luta Kontra Trafiku ba Ema.
Komisaun B ne’ebe trata asuntu Negósiu Estranjeiru, Kooperasaun, Defeza no Seguransa halo audiénsia ho Vise-Ministru Negosiu Estranjeiro no Kooperasaun ba asuntu ASEAN nian, Ajensia Kooperasaun Timor-Leste, Sentru Estudu Diplomatiku no Gabinete Fronteira Terrestre no Maritima.
Audiénsia públika ne’e sei kontinua iha loron 4 fulan dezembro tinan 2023 hamutuk ho ministeriu relevante sira. FIM
