Pagina Inicial»Noticia
Parlamentu Nasionál liu husi sesaun plenária ordinária iha loron 24 fulan outubru tinan 2023, aprova ona Proposta Aliterasaun Lei númeru 2/VI (1å), terseiru aliterasaun lei númeru 3/2014 de 18 junho, ne’ebé kria Rejiaun Administrativa Espesiál Oe-Cusse Ambeno no estabelese Zona Espesiál Ekonomia Sosiál Merkadu Oe-Cusse Ambeno no Ataúru, inklui proposta lei númeru 3/VI (1å), Kuarta Aliterasaun lei 11/2009 de 7 Outubru, ne’ebé aprova Divizaun Administrativa Territóriu.
Liu husi diskusaun naruk, proposta lei terseiru aliterasaun lei númeru 3/2014 ne’ebé kria RAEOA-ZEESM, aprovadu ho votu 37 a favor, 19 kontra no 4 abstensaun, enkuantu proposta lei kuarta aliterasaun lei Divizaun Administrativa Territóriu aprovadu ho votu 37 a favor, 18 kontra no 5 abstenção.
Entretantu iha período de antes da ordem do dia nian, Deputadu sira aprezenta preokupasaun sira ne’ebé komunidade enfrenta hodi Governu bele solusiona liuliu kona-ba nesesidade baziku, infraestrutura, saúde no edukasaun.
Sesaun plenária ne’e prezide husi Prezidente Parlamentu Nasionál, Maria Fernanda Lay, akompaña husi membru Meza sira. FIM
