Pagina Inicial»Noticia
Parlamentu Nasionál liu husi sesaun plenária ordinária iha loron 23 fulan outubro tinan 2023 realiza debate ba Konta Jerál Estadu 2022 nian.
Debate Konta Jerál Estadu 2022 ne’e hetan prezensa husi Ministru Prezidénsia Konsellu Ministru, Agio Pereira, Ministra Finansas, Santina J.R.F.V Cardoso, Ministra Solidariedade Sosiál no Inkluzaun, Verónica das Dores, Vise Ministru ba Asuntu Parlamentar, Adérito Hugo da Costa no Vise Ministra Finansas, Felicia Claudinanda da Cruz Carvalho.
Debate refere loke husi Prezidente Parlamentu Nasionál, Maria Fernanda Lay, no kontinua kedas ba intervensaun husi Bankada FRETILIN no resposta husi Governu.
Hafoin ida-ne’e, Komisaun C ne’ebé trata asuntu Finansas Publikas aprezenta nia relatóriu no pareser kona-ba Konta Jerál Estadu 2022, no tuir kedas ho resposta husi Governu no intervensaun bankada parlamentar sira.
Durante intervensaun husi bankada parlamentar sira inklui Deputadu sira ko’alia liu kona-ba rekomendasaun sira ho nia implementasaun liu husi Konta Jerál Estadu 2022 ne’e.
Hafoin debate, Deputadu sira aprova Konta Jerál Estadu 2022 ne’e ho 57 votus a favor, 0 kontra no 0 abstensaun. FIM
