Pagina Inicial»Noticia
Prezidente Parlamentu Nasionál, Maria Fernanda Lay, halo reuniaun ho Prezidente Repúblika, José Ramos Horta, iha loron 16 fulan agosto tinan 2023, iha Palasiu Prezidensiál Bairro-Pite Dili.
Durante reuniaun, Prezidente Parlamentu Nasionál informa kona-ba servisu parlamentar durante ne’e liuliu partisipasaun delegasaun Parlamentu Nasionál iha konferénsia AIPA nian iha Jakarta Indonézia foin lalais ne’e.
Alem de ne’e ko’alia mós kona-ba vizita Estadu ba São Tome e Príncipe, ne’ebé representa husi Prezidente Parlamentu Nasionál iha semana oin, tanba ne’e presiza atualiza preparasaun sira ne’e ho asuntu importante sira liga ba vizita refere. FIM
