Pagina Inicial»Noticia
Prezidente Parlamentu Nasionál, Maria Fernanda Lay, akompaña husi Vise-Prezidente, Maria Terezinha Viegas, simu audiénsia husi Sekretáriu-Jerál g7+, Helder da Costa ho nia ekipa iha loron 3 fulan agosto tinan 2023, iha Gabinete Prezidente nian.
Audiénsia refere ho objetivu atu atualiza ba Prezidente Parlamentu Nasionál kona-ba servisu g7+ nian liuliu relasiona ho asuntu parlamentar iha nasaun sira membru g7+.
Iha oportunidade ne’e mós ekipa g7+ atualiza ba Prezidente Parlamentu Nasionál kona-ba partisipasaun Parlamentu Nasionál Timor-Leste iha reuniaun Uniaun Interparlamentar iha fulan outubro ne’ebé sei marka prezensa mós husi Prezidente Parlamentu Nasionál. FIM
