Pagina Inicial»Noticia
Sekretáriu-Jerál Parlamentu Nasionál, Edgar Sequeira Martins, ho Sekretáriu-Jerál Adjunto, João Rui Amaral, simu tomada de posse husi Prezidente Parlamentu Nasionál, Maria Fernanda Lay, akompaña husi Prezidente Komisaun Funsaun Publika, Faustino Cardoso Gomes, iha Parlamentu Nasionál, iha loron 13 fulan jullu tinan 2023.
Prezidente Komisaun Funsaun Públika hatete lideransa Sekretáriu Jerál ho nia Adjunto prienxe rekizitu liuliu kona-ba kapasidade profissional no lideransa atu lidera instituisaun ruma.
Prezidente Parlamentu Nasionál apresia no agradese ba lideransa no kapasidade Sekretáriu Jerál cessante, Adelino Afonso de Jesus, ne’ebé lidera no servi sekretariadu jerál hahú kedas inisiu Asembleia Konstituinte too agora.
Prezidente Parlamentu Nasionál mós enkoraja lideransa na’in rua atu servisu no lidera sekretariadu jerál ho profissional no kapasidade atu apoiu servisu Deputadu sira nian durante mandatu VI Lejizlatura. FIM
