Pagina Inicial»Noticia
Prezidente Parlamentu Nasionál, Maria Fernanda Lay, halo reuniaun kortezia ho Embaixadora Portugal, Maria Manuela Freitas Bairos, tuir kedas reuniaun ho reprezentante WFP (World Food Programme), no Reprezentante Rezidente PNUD, iha gabinete Prezidente nian, iha loron 12 fulan jullu tinan 2023.
Iha reuniaun kortezia ho Embaixadora Portugal ne’e, além de kumprimenta Prezidente Parlamentu Nasionál, koalia mós kona-ba futuru kooperasaun sira ho Timor-Leste liuliu ho Parlamentu Nasionál.
Sorin seluk, iha reuniaun ho reprezentante WFP, koalia kona-ba disponibilidade WFP hodi apoio Estadu Timor-Leste durante ne’e no kontinuasaun iha futuro mai.
Reuniaun hanesan ho PNUD koalia kona-ba demokrasia no transparensia no kontribuisaun PNUD nian ba Parlamentu Nasionál.
Prezidente Parlamentu Nasionál agradese tebes ba vizita sira ne’e liuliu disponibilidade nasaun no organizasaun sira ba apoiu dezenvolvimentu Timor-Leste. FIM
