Pagina Inicial»Noticia
Parlamentu Nasionál, liu husi reuniaun Plenária ordinária iha loron 11 fulan jullu tinan 2023, halo voto pezar ba falesimentu Historiador Saudozu José João da Conceição Goncalves Mattoso, ho 62 votus a favor, 0 kontra no 0 abstensaun.
Sesaun plenaria ne’e mós halo votasaun ba membru Grupo Nacional à Assembleia Parlamentar da Comunidade dos Paises de Lingua Portuguesa, ho 59 votus a favor, 4 kontra no 1 nulu. Membru ba Grupo sira ne’e mak hanesan, Deputada Maria Terezinha da Silva Viegas (CNRT efetivu), Deputadu Albino da Silva (CNRT efetivu), Deputada Cedelizia Faria dos Santos (CNRT efetivu), Deputada Sancha Margarida Tilman (PD efetivu), David Dias Ximemens “Mandati” (FRETILIN efetivu), Deputada Nurima R. Alkatiri (FRETILIN efetivu). Membru suplente sira mak hanesan: Deputada Virginia Ana Belo (CNRT), Deputada Aliança da Conceição Araújo (CNRT), Deputadu Marcos Xavier (CNRT), Deputadu Armando dos Santos (PD), Deputada Helena M. Belo (FRETILIN), Deputadu Oscar Lima (FRETILIN).
Sorin seluk, membru Deputadu ba Uniaun Interparlamentar no Assembleia Parlamentar Asíatica mak hanesan; Deputadu Antoninho Bianco (FRETILIN efetivu), Deputada Lidia Norberta dos Santos Martins (FRETILIN efetivu), Deputada Cristina Yuri Rebelo dos Santos (FRETILIN suplente) no Deputadu Antonio Doutel Sarmento Lima (FRETILIN suplente).
Iha intervensaun Deputadu sira nian, Deputadu sira kontinua husu ba Governu atu normaliza estrada no ponte hirak ne’e kotu iha munisipiu sira, salariu ba professor sira kontratadu ne’ebé fulan hirak nia laran seidauk simu inklui asuntu importante sira seluk.
Sesaun plenaria ne’e prezide husi Prezidente Parlamentu Nasionál , Maria Fernanda Lay, akompaña husi membru Meza sira no hetan prezensa husi Vise-Ministru ba Asuntu Parlamentar, Aderito Hugo da Costa. FIM
