Pagina Inicial»Noticia
Parlamentu Nasionál liu husi reuniaun Plenária ordinária iha loron 10 fulan jullu tinan 2023, halo diskusaun no votasaun kona-ba aliterasaun dahuluk ba delibersaun nú 3/2023, loron 5 fulan jullu - Konstituisaun ba Komisaun Espesializada Permanente sira, ho votos 64 a favor, 0 kontra no 0 abstensaun.
Ho aprovasaun ne’e Komisaun Espesializada Permanente sira muda nia numeru kompozisaun foun hanesan: Komisaun A trata asuntu Konstitusionais no Justisa ho nia membru hamutuk Deputadu na’in 9; Komisaun B trata asuntu Negosius Estranjeirus, Defeza no Seguransa, ho nia membru Deputadu hamutuk na’in 11; Komisaun C trata asuntu Finansas Públikas, ho nia membru Deputadu na’in 9; Komisaun D trata asuntu Ekonomia no Dezenvolvimentu, ho nia membru Deputadu hamutuk na’in 11; Komisaun E trata asuntu Infraestruturas, ho nia membru Deputadu hamutuk na’in 9; Komisaun F ne’ebe trata asuntu Saúde, Seguransa Sosial no Igualdade Jeneru, ho nia membru Deputadu hamutuk na’in 9 no Komisaun G ne’ebe trata asuntu Edukasaun, Juventude, Kultura no Sidadania, ho nia membru Deputadu na’in 6.
Entretantu iha intervensaun diversa, Deputadu sira husu ba ministériu kompetente atu fó atensaun maximu ba situasaun ne’ebe povu enfrenta liuliu inundasaun ne’ebe akontese iha munisipiu balun inklui estraga estrada nasionál sira no ponte hodi fasilita movimentasaun transporte. ,
Reuniaun Plenária ne’e prezide husi Prezidente Parlamentu Nasionál, Maria Fernanda Lay, akompaña husi membru Meza sira. FIM
