Pagina Inicial»Noticia
Parlamentu Nasionál iha sesaun plenária, iha loron 9 fulan maiu tinan 2023, aprova ona Lei Finansas Municipais, iha final global.
Aprovasaun lei ne’e hetan prezensa husi Ministru Administrasaun Estatal, Miguel Pereira de Carvalho ho nia ekipa.
Alem de aprovasaun ba proposta lei sira seluk, hahú kedas iha sesaun plenária iha loron 8 fulan maiu, Deputadu sira kontinua preokupa kondisaun estrada iha nivel munisipál too suco no aldeia sira, atu fasilita prosesu eleisaun parlamentar.
Deputadu sira mós sujere atu iha tempu kampaña ne’e lider partidu polítiku sira la bele halo insultu ba lideransa sira seluk maibé hato’o de’it programa partidu nian atu povu bele hili ida-ne’ebé di’ak liu.
Deputadu sira mós apresia maturidade povu nian ne’ebé kontinua kria estabilidade iha períodu kampaña mezmu iha fatin balun akontese insidente. FIM
