Parlamentu Nasionál liu husi reuniaun sesaun plenária ordinária iha loron 11 fulan abril tinan 2023, iha sesaun período ordem do dia, halo diskusaun no votasaun ba lei n.o 47/V(5a) kona-ba Presendensia no Protokolu Estadu ho 39 votos a favor, 0 kontra no 1 abstensaun.
Iha periodo ordem do dia ne’e, halo mós diskusaun no votasaun ba proposta Rezolusaun n.o 28 /V(5a) kona-ba aprovasaun akordu servisu Aéreos entre Repúblika Demokrátika Timor-Leste ho Repúblika Indonezia inklui proposta Rezolusaun n.o 29 /V(5a) aprovasaun akordu servisu Aéreos entre Repúblika Demokrátika Timor-Leste ho Repúblika Singapura nian ho 39 votos a favor, 0 kontra no 0 abstensaun.
Entretantu iha periodo de antes da ordem do dia nian, alem de Deputadu sira hatoo preokupasaun sira ba Governu, iha mós aprezentasaun no apresiasaun ba relatoriu delegasaun Parlamentu Nasionál iha Forum Parlmentar ba Konferensia Nasaun sira Menuz Dezenvolvimentu.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, no hetan prezensa husi Ministru ba asuntu Parlamentar no Komunikasuan Sosiál, Francisco Martins da Costa Pereira Jerónimo no Ministra Negosiu Estranjeiru no Kooperasaun, ho nia equipa. FIM
