Pagina Inicial»Noticia
Parlamentu Nasionál liu husi sesaun plenária ordinária iha loron 7 fulan marsu tinan 2023, aprova ona iha final global Projetu Lei nú 35/V(4ª) – Lei de Radiofusão, ho 37 votus a favor, 0 kontra no 14 abstensaun.
Hafoin aprovasaun Lei de Radiofusão, Deputadu sira kontinua kedas ba aprovasaun Projetu Lei nú 48/V(5ª) – alterasaun dahuluk ba Lei nú 7/2022, loron 19 fulan maiu, ne’ebe aprova Estatutu Ministériu Públiku, ho 51 votus a favor, 0 kontra no 0 abstensaun.
Iha intervensaun diversa nian, Deputadu sira aprezenta preokupasaun hirak ne’ebe komunidade sira enfrenta hanesan tratamentu ba dokumentu ofisial sira hanesan Billete Identidade (BI), Kartaun Eleitoral, Passaporte, falta ai-moruk iha hospital sira, ruin saudozu sira ne’ebe too agora seidauk hetan liuliu iha Indonezia inklui asuntu sira seluk.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira. FIM
