Pagina Inicial»Noticia
Parlamentu Nasionál liu husi Komisaun E ne’ebe trata asuntu Infraestruturas, lidera husi Vise-Prezidente Komisaun E, Deputadu Fabião Oliveira, akompaña husi membru Komisaun E halo fiskalizasaun iha Munisipiu Manufahi, iha loron 1 too 3 fulan marsu tinan 2023.
Atividade fiskalizasaun ne’e hahú ho reuniaun ho Administradór Munisipiu Manufahi hamutuk ho responsável liña ministerial sira hanesan, Diretur EDTL, Diretur PDN, Diretur Obras Publikas, Diretur PNDS ho Diretur BTL, hodi atualiza kona-ba atividade sira durante ne’e lao iha Munisipiu Manufahi inklui preokupasaun sira atu bele aprezenta ba Deputadu sira hodi konsidera.
Hafoin reuniaun, iha loron tuir mai, Komisaun E halo vizita fiskalizasuan ba Uma Naroman ba Povu iha Suku tolu hanesan Suku Babulu, Suku Letefoho no Suku Holarua, hodi observa direta uma sira ne’e hamutuk ho benefisiariu sira. Durante vizita uma sira ne’e Vise-Prezidente komisaun E ho nia membru sira rekomenda ba Diretor PNDS atu PNDS akompaña benefisiariu sira ne’e hodi uza hirak ne’e ho diak.
Iha fiskalizasaun refere rona mós preokupasaun sira husi implementador programa ne’e tanba husi orsamentu etapa dahuluk nian $15.000,00 (dólar rihun sanulu-resin-lima), ba etapa daruak nian $17.000,00 (dólar rihun sanulu-resin-hitu), maibé benefisiariu balun iha área rural entaun difikulta implementasaun. FIM
