Pagina Inicial»Noticia
Parlamentu Nasionál liu husi sesaun plenaria ordinaria, iha loron 28 fulan fevereiru tinan 2023, iha período ordem do dia, autoriza ona dezlokasaun Prezidente Repúblika ba nasaun Katár no Azerbaijaun entre loron 3 no 14 fulan marsu tinan 2023, ho 43 votus a favor, 0 kontra no 0 abstensaun.
Sesaun plenaria ne’e mós hatun Proposta Lei Nú 51/V(5a) Medidas de Tutela da Legalidade Urbanística, ba Komisaun E ne’ebe trata asuntu Infraestrutura no Komisaun A ne’ebe trata asuntu Konstitusionál no Justisa.
Iha intervensaun diversa nian, Deputadu sira kontinua preokupa ba estrada sira hanesan iha Watulari Viqueque, Maliana, no Baucau ne’ebe presija atensaun maximu husi Governu. Preokupasaun seluk kona-ba atendimentu publiku husi Ministeriu Justisa liuliu produsaun Billete Identidade, Eleitoral, Pasaporte no seluk tan atu la bele difikulta sidadaun sira.
Sesaun plenaria ne’e prezide husi Prezidente Parlamentu Nasionál, Aniceto Longuinhos Guterres Lopes no akompañ husi membro Meza sira. FIM
