Pagina Inicial»Noticia
Parlamentu Nasionál liu husi sesaun plenária ordinária iha loron 14 fulan fevereiro tinan 2023, realiza debate ho Governu liu husi Ministériu Edukasaun Juventude no Desportu.
Debate ne’e realiza ho objetivu atu diskute kona-ba bolsa de estudo de mérito ne’ebe hamosu polemika iha publiku.
Ministru MEJD, Armindo Maia hatete Governu implementa programa refere tuir lei ne’ebe mak iha, tanba ne’e durante prosesu implementasaun kontinua tuir regra ne’ebe define ona.
Deputadu sira sujere atu MEJD halo investigasaun klean ba preokupasaun husi estudante sira no inan ho aman sira durante atu bele hetan solusaun.
Sesaun plenária ne’e mós Deputadu sira halo aprovasaun final global ba Proposta Lei n.o 50/V(5ª) – alterasaun dalimak ba Lei n.o 6/2006, loron 28 fulan dezembro, ne’ebe aprova Lei Eleitoral ba Parlamentu Nasionál, ho 38 votus a favor, 0 kontra no 0 abstensaun. FIM
