Pagina Inicial»Noticia
Parlamentu Nasionál liu husi sesaun plenária ordinária iha loron 7 fulan fevereiro tinan 2023, aprova ona iha final global ba Projetu Lei n.o 29/V(3ª) – Lei de Proteção a Crianças e Jovens em Perigo, ho 36 votus a favor, 0 kontra no 0 abstensaun.
Lei refere sei regula kona-ba definisaun tinan ba labarik sira oinsa ezerse nia direitu iha prosesu dezenvolvimentu nasionál inklui direitu sira seluk.
Iha sesaun plenária ne’e mós, Deputadu sira halo debate ho governu liu husi Ministru Finansas ho nia ekipa ne’ebe koalia kona-ba presu sasan nesesidade baziku ne’ebe aumenta iha mercadoria.
Iha debate ne’e governu informa kona-ba sasan hirak ne’ebe afeta ba aumenta taxa ho objetivu ida atu asegura saúde publika, hanesan sigarru, masin-midar, coca-cola, sankist no seluk tan.
Sesaun plenária ne’e prezide husi Prezidente Parlamentu Nasionál, Aniceto Longuinhos Guterres Lopes, akompaña husi membru Meza sira no hetan prezensa husi membru governu sira. FIM
