Pagina Inicial»Noticia
Prezidente Parlamentu Nasionál, Aniceto Longuinhos Guterres Lopes, simu audiénsia husi Diretor CEPAD, João Boavida ho nia ekipa iha loron 10 fulan fevereiro tinan 2023, iha gabinete Prezidente nian.
Durante audiénsia, koalia liu kona-ba servisu balun ne’ebe CEPAD ho nia grupu traballu sira halo hanesan anteprojeto ba Liberdade Asesu ba Informasaun ne’ebe lao ona tinan hirak nia laran.
Tanba ne’e Diretor CEPAD hatete audiénsia refere atu kontinua atualiza no hetan mós sujestaun balun husi legislador sira ba assuntu refere.
Iha loron hanesan, Prezidente Parlamentu Nasionál mós simu audiénsia husi Embaixadór Koreia ba Timor-Leste, Shin Mantaek, hodi koalia kona-ba futuru kooperasaun entre nasaun rua liuliu ho Parlamentu Nasionál. FIM
