Página Inicial » Biografia

 

 

 

Data de Nascimento :

27-12-1968


Local de Nascimento:

Same

 

Distrito:

Manufahi

 

Título Funcional:

Presidente do Parlamento Nacional

 

Adérito Hugo da Costa eleito nu’udar Deputado iha legislatura rua, ba dala uluk iha 2007-2012 no ba dala rua bainhira nia reeleito iha eleição geral ikus nian iha 2012. Nia sai Vice-Presidente do Parlamento Nacional Timor-Leste nian iha 30 de julho de 2012, no depois nia eleito fali atu sai Presidente do Parlamento, iha 05 de maio de 2016. Mandato ne’e sei remata iha 2017.

 

Molok nia eleição nu’udar Vice-Presidente, Adérito Hugo da Costa serviço durante tinan lima nu’udar porta-voz Bancada CNRT nian, hussi 2007 to’o 2012. CNRT ne’e partido ida Governo nian ne’ebé nia líder mak S. Ex.ª Kay Rala Xanana Gusmão (ex-Presidente da República Democrática de Timor-Leste, ne’ebé mós serbí nu’udar Primeiro-Ministro iha IV e V Governo Constitucional Timor-Leste nian, no agora daudaun nia Ministro do Planeamento e Investimento Estratégico). Adérito da Costa mós Membro Comissão de Finanças Públicas nian durante tinan 9. Nia mós lidera representação hussi Organização Global Parlamentar sira-nian Contra Corrupção (GOPAC) iha Timor-Leste nu’udar Presidente Conselho de Administração nian, no nia Membro hussi Conselho Consultivo ba IRI nia Apoio ba Formação Liderança Foin-sa’e.

 

Ninia experiência internacional inclui lidera delegação Deputados hussi Timor-Leste ne’ebé hola parte nu’udar observadores internacionais iha eleição presidencial Guiné-Bissau nian iha 2014; participa iha Conferência Parlamentar Internacional kona-ba Crescimento ba Desenvolvimento, ne’ebé Associação Parlamentar Commonwealth nian mak organiza iha Londres, iha 2014; hola parte iha equipa Parlamentar ne’ebé orador iha programa formação iniciação ba Membro foun sira iha Hluttaw (Parlamento Myanmar nian, ne’ebé iha Membro na’in-657); no mós participa nu’udar observador iha eleição estadual australiana sira; além de hola parte iha estudo comparativo oioin. Iha estrutura partidária CNRT nian, Adérito da Costa kaer knaar nu’udar líder iha Comissão de Jurisdição desde 2011 to’o 2016 no nia proativo iha partido nia atividade sira.

 

Iha tempo luta ba independência, Adérito da Costa envolve iha atividade clandestina, nia luta ba independência durante ocupação indonésia ne’ebé aat tebes durante tinan 24, no nia mós sai vítima hussi operação militar Indonésia nian, nia hetan tiro tolu iha 1977. Nia participa iha manifestação iha 12 de Novembro de 1991 no nia sai sobrevivente ida hussi Massacre Santa Cruz nian. Nia jornalista profissional desde 1993, durante ocupação, to’o restauração independência Timor-Leste nian iha 2002. Liutiha referendo ne’ebé ONU organiza iha 30 de agosto de 1999, nia lidera timoroan grupo ida ne’ebé funda no kaer “Timor Post”, ne’ebé to’o agora daudaun continua nu’udar jornal diário líder ida iha imprensa nacional. Adérito da Costa iha experiência tinan sanulu-ressin-haat nu’udar jornalista. Iha 2006, nia hetan graduação iha Licenciatura kona-ba Ciências Políticas hussi Universidade Nacional Timor Lorosa’e. Nia kaben ho Aurélia da Costa no iha oan-feto na’in-haat: Estefânia Howart Alves da Costa, Jéssica Emiliana Alves da Costa, Tatiana Felicita Martinez Alves da Costa no Kaila Dominique Correia Alves da Costa.

 

 

 

 

 

 

 

 

 

 

 

 

 

 

 

 

 

 

 

 

 

Links Info Parlamentar Contactos

Governo de Timor-Leste

Rua : Formosa

CAVR Timor-Leste

Fax: (+670) 3323884

UNMIT Timor-Leste

Telp: (+670) 3339869, 3339870

UNDP Timor-Leste

Email: relacoes.publicas@parlamento.tl

Comunidade dos Paises de Lingua Portuguesa

          relacoespublicas.dirpec@gmail.com

Inter-Parliamentary Union

 

Portail pour le Développement Parlamentaire

ASG-PLP

AP-CPLP
GOPAC
AIPA

© Parlamento Nacional 2017